居家安老 祝您安好
居家安老聽就聽得多，但執行上究竟係點？有冇潛在困難？
居家安老係社會公認對老友記無論喺身、心方面都係一種理想嘅安老模式👍🏻香港政府近年亦開始推動居家安老，2021施政報告都增加日間護理和居家照顧服務。要成功做到居家安老究竟有咩要注意呢？
🌟經濟能力🌟
1️⃣改造家居環境
年紀大，機械壞。想方便老友記活動，家中空間極為重要！一個充斥障礙物嘅住所，對照顧者同老友記都會有危險同不便。所以居家安老嘅首要條件就要改造家居環境。改善家居設備需要一定資金。
2️⃣人力支援
除咗家居設備配套，為主照顧者提供足夠嘅人力支援都好重要💪🏻特別係中至高度失去自理能力的長者，居家安老唔能夠只靠主照顧者同替工，還要龐大嘅人力支援，例如社康護士、起居照顧員、陪診員、夜間特別看護等等。
3️⃣護理程度需求不定
護理程度需求的變化令居家安老費用産生差距。長者的護理程度越高，在家照顧費用便會越高。如果長者需要特別護理，費用更會以幾何級數倍增。雖然政府有為居家安老的長者提供社區服務劵同醫療劵，但呢啲資助並唔係所有服務都包括在內，所以長遠而言，照顧者必須預備足夠的資金。
🌟情緒照顧🌟
1️⃣衡量抗壓能力
主照顧者有責仼感當然係好事💪🏻但有時都要有喘息紓壓的空間👍🏻如果主照顧者身心都頂唔順，咁居家安老呢件好事都會變成壞事。
2️⃣保持積極心態
頭腦仍然清晰嘅長者，當然知道照顧者嘅辛勞同苦惱。被照顧者嘅心態同意志都會對照顧者造成很大影響㗎！有時老友記對於老弱狀態嘅無能為力會感到氣餒，甚至有個想法「真想早走早好。」其實對照顧者而言，聽到呢啲說話反而會造成沉重打擊。所以，一定要保持積極心態，真係唔得就尋求院舍協助💪🏻
3️⃣與長者達成共識
好多時，做仔女嘅都想畀最好嘅畀父母👍🏻但究竟佢哋係咪真係想要？做任何決定之前記得同長者達成共識，尊重佢哋意願。
🌟家庭狀況🌟
1️⃣情緒及實際行動支援
單靠一個主照顧者照顧老友會好辛苦㗎。可以嘅話，其他家庭成員每週預留兩到三天回到原生家庭，分擔在家照顧長者的工作💪🏻一齊照顧爸爸媽媽。
2️⃣是否有其他成員需要被照顧
相信好多人對於要點樣妥善兼顧「四大長老」都有疑惑。如果主照顧者需要在家照顧多過一名嘅長者，這種壓力絕對無法持久承受，亦冇可能一直付出雙倍精力。所以，要居家安老，一定要清楚屋企有幾多位照顧者。
